/ Wo Na Aayen To Hawa Bhi Nahin Aaya Karti | Muzaffar Warsi

0 views 1 year ago

  • Wo Na Aayen To Hawa Bhi Nahin Aaya Karti by Muzaffar Warsi
    Lyrics Ghazal
    ---------------------
    Wo Na Aayen To Hawa Bhi Nahin Aaya Karti
    Uski Khushboo Bhi Akeli Nahin Aaya Karti
    Ham To Aansun Hain Hamen Khak Me Mil Jana Hai
    Maiyaton Ke Liye Doli Nahin Aaya Karti
    Bistar-E-Hajr Pe Soya Nahin Jata Aksar
    Neend Aati To Hai Gahri Nahin Aaya Karti
    Alal-Ailaan Kiya Karta Hun Sachchi Baatein
    Chor Dawaze Se Aandhi Nahin Aaya Karti
    Sirf Rangon Se Kabhi Ras Nahin Tapka Karta
    Kaaghzi Phoolon Pe Titli Nahin Aaya Karti
    Ishq Karte Ho To Alooda-E-Shikwa Kyun Ho
    Shahad Ke Lahje Me Talkhi Nahin Aaya Karti
    Maut Ne Yaad Kiya Hai, Ke Muzaffar Usne
    Apni Marzi Se To Hichki Nahin Aaya Karti
arrow_drop_up