/ TU KUJA MAN KUJA | MUZAFFAR WARSI

0 views 1 year ago

  • Default
  • TU KUJA MAN KUJA | MUZAFFAR WARSI
    یا نبیﷺ
    صلّوا علیهِ وآلہ
    تو کجا من کجا
    تو امیرحرم میں فقیرعجم
    تیرے گن اور یہ لب
    میں طلب ہی طلب
    تو عطا ہی عطا
    تو کجا من کجا
    الہام جامہ ہے تیرا
    قرآں عمامہ ہے تیرا
    منبر تیرا عرشِ بریں
    یا رحمت للعالمیں ﷺ
    تو کجا، من کجا
    تو حقیقت ہے میں صرف احساس ہوں
    تو سمندر میں بھٹکی ہوئی پیاس ہوں
    میرا گھر خاک پر اور تیری ر ہ گزر
    سدرۃالمنتہیٰ
    تو کجا من کجا
    خوشبو تیری جوئے کرم
    آنکھیں تیری بابِ حرم
    نورِ ازل تیری جبیں
    یا رحمت للعالمیں ﷺ
    تو کجا، من کجا
    میرا ہر سانس تو خوں نچوڑے میرا
    تیری رحمت مگر دل نہ توڑے میرا
    کاسۂ ذات ہوں ،تیری خیرات ہوں
    تو سخی میں گدا، تو کجا من کجا
    خیرالبشر رتبہ تیرا
    آوازِ حق خطبہ تیرا
    آفاق تیرے سامعیں
    سائس جبریلِ امیں
    یا رحمت للعالمیں ﷺ
    تو کجا من کجا
    نسبت تیری ایمان ہے
    خوشبو تیری عرفان ہے
    تفسیر تیرے خلق کی
    قرآن ہی قرآن ہے
    تو حاصلِ دنیا و دیں
    یا رحمت للعالمیںﷺ
    تو ہے احرام انوار باندھے ہوئے
    میں درودوں کی دستار باندھے ہوئے
    کعبۂ عشق تو میں تیرے چار سو
    تو اثر میں دعا ،تو کجا من کجا
    دعویٰ ہے تیری چاہ کا
    اس امتِ گمراہ کا
    تیرے سوا کوئی نہیں
    یا رحمت للعالمیں ﷺ
    تو کجامن کجا
    ڈگمگاؤں جو حالات کے سامنے
    آئے تیرا تصور مجھے تھامنے
    میری خوش قسمتی، میں تیرا امتی
    تو جزا میں رضا، تو کجا من کجا
    میرا ملبوس ہے پردہ پوشی تیری
    مجھ کو تابِ سخن دے خموشی تیری
    تو جلی میں خفی ، تو اٹل میں نفی
    تو صلہ میں گلہ، تو کجا من کجا
    دوریاں سامنے سے جو ہٹنے لگیں
    جالیوں سے نگاہیں لپٹنے لگیں
    آنسوؤں کی زباں ہو میری ترجماں
    دل سے نکلے سدا ، تو کجا من کجا
    تو ابد آفریں ، میں ہوں دو چار پل
    تو یقیں میں گماں ، میں سخن تو عمل
    تو ہے معصومیت، میں نری معصیت
    تو کرم میں خطا،تو کجا من کجا
    اے فرشتو وہ سلطانِ معراج ہیں
    تم جو دیکھو گے حیران ہو جاؤ گے
    زلف تفسیرواللیل بن جائے گی
    چہرہ قرآن سارا نظر آئے گا
    میرے آقاؐ امامِ صفِ انبیاء
    نام پہ ان کے لازم ہے صلِّ علیٰ
    تو کجا من کجا
    مصطفیٰ ﷺ، مجتبیٰ ﷺ
    خاتم المرسلیں ﷺ
    یارحمت للعالمیںﷺ
    تو کجا من کجا
    مظفر وارثی
    #12rabiulawal
    #eidmiladunnabi PBUH
    #tukujamankuja
    #naat
    #muhammad
    #qawwali
    #sufianakalam
arrow_drop_up