/ Jaa Zindagi Madine se __ Muzaffar Warsi II Voice_ Sarwar Hussain __ New kalam 2020

0 views 1 year ago

  • Default
  • جا زندگی مدینے سے جھونکے ہوا کے لا
    شاید حضور ہم سے خفا ہیں منا کے لا
    کچھ ہم بھی اپنا چہرۂ باطن سنوار لیں
    بوبکر ؓ سے کچھ آئینے صدق و صفا کے لا
    دنیا بہت ہی تنگ مسلماں پہ ہوگئی
    فاروق ؓ کے زمانے کے نقشے اٹھا کے لا
    محروم کر دیا ہمیں جن سے نگاہ نے
    عثمان ؓ سے زاویے زرا شرم و حیا کے لا
    مغرب میں مارا مارا نہ پھر اے گدائے علم
    دروازۂ علی ؓ سے یہ خیرات جا کے لا
    باطل سے دب رہی ہے پھر اُمت رسول کی
    منظر ذرا حسین سے کچھ کربلا کے لا
    کرنا ہے اپنے آپ کو آراستہ اگر
    کردار اپنے سامنے سب اولیاء کے لا
    یہ جنگِ کفر و حق ہے اگر تجھ کو جیتنی
    ہر نوجواں کو قاسم و طارق بنا کے لا
    سجدہ میں گڑ گڑا یا محمد کے پیر پڑ
    جا اور جلد رحمتِ حق کو بلا کے لا
    کس منہ سے پیش ہوگا “مظفر”حضورِ حق
    اِس کو شہیدِ اُسوۂ آقا ﷺ بنا کے لا
    مظفر وارثی
    subscribe to my youtube channel
arrow_drop_up